موضوع محير

معليكك الدوريات تقدر تطلبه ولا يخفف المخالفة اما ساهر مافيها كلام مايميدك توصل البيت الا المخالفة نازله ههههههههه

أنا ماقد شفت أكثر تفننا في التخفي مثل موظفين ساهر

تجي ماشيء ولا تشوف ولا سيارة وفجأة الفلاش يبرق بوجهك تحصله منخش ورى صبه ووازنها صح

وهذا أشوى من النوع الثاني اللي يجيك يوقف السيارة بين سيارات واجده وما تقدر تميز بينهم

الله ينصرنا على هالشركه نسفت أموالنا

الله على الظالم حسبي الله ونعم الوكيل فيهم

الله فوق                  

يا رجال والله بهذلونا في خميس مشيط تعال شفهم بس 
يدورون الشباب عشان يطاردونهم ويسوون زحمة في الشارع 
يعني مستعد يلحقك و يقطع اشارات ويعرض ناس للخطر كله عشان يوقف واحد مظلل السياره ولا مسوي مخالفه تافهه وهرب 
صح ان النظام انه ياخذ رقم اللوحه اذا هربت بس عندنا لا هم يحبون المطارده وهالشغلات 
وما استغرب يعني لان نصهم شباب اعمارهم اقل من 25 ومعطينه دوريه يفرفر عليها فلازم يسوي اثاره واكشن وكذا 

فعلاً أسوء مرور واجهته بحياتي

مرور خميس مشيط 

قشع التغييمت تيه وأهب لك مخالفه فوقها

والله إنه عطاني مخالفه على تغييمه وسط الله ينصرني عليه

قلت له بقشعها قال لا أهب لك مخالفت وتقشع التغييمت تييه

الله حسيبهم

حصلي موقف وهو كنت واقف ولا أشوف سفتي دورية يأشر بجنبي نزلت السلام عليكم وعليكم السلام قالي وش هذا الانتل طويل تعرفونه قلتله منظر قال ممنوع بالنظام قلت طيب شلته شهر ورجعته المصيبة عمره 20 22 لاحول ولا قوة الا بالله

بالعكس والله قبل فتره قطعت اشارة في الخميس قبل صلاة الضهر ابي الححق اخذ لي فطور والله شوي المرور وراي 
طبعا مرور سري من وين جاء مدري 
نزلت وهو ناوي مررة يعطيني مخالفة واطلبه واقول يارجال ابي الحقق ومدري ايش وبعد ايش والله فكني 
وطبعا عندي اللوحة الي ورا مطموسه ومضلل ولا قال شي 
مو كلهم والله فيهم ناس كفوو طبعا الاشارة الي عند فندق السحاب الي عند الشامل 

شباب وش رايكم يحطون لوحه كبيره قدام كل سياره او كاميرا لساهر ويكتبون >>انتبه امامك ساهر<<
على كذا اجل وش الفايده من ساهر دام الواحد يجي صافق الطبلون ولما يشوف ساهر يهدي .. الواحد ما راح يهتم او يبالي وراح يسرع  بس لما يجيه فلاش على غفله ويدفع مبلغ وقتها بيقعد ماشي زي البشر وحتى لو ما كان يحسب لسرعه حساب .. اكيد بيحسب حساب ان السرعه بتخسره دراهم  ... وجهة نظر

اخر واحد بالمرور عطاني مخالفه و رحت شيكت في موقع المرور كم عليه مخالفه ( الي عطاني المخالفه ) لان يككتب السجل المدني حقه في ورقة المخالفه لقيت عليها فوق 1500 عاد هانت علي مخالفتي الي ب 300 وسددتها وانا مبسوط 

فيه شي محير اكثر: يعني لهالدرجه ماتقدرون تلتزمون بالنظام؟؟

ي خي ورا شجرة والا يشخ والا ايش يسوي انا دامني ملتزم بالنظام وش علي فيه

ساهر الهدف منه رصدالسرعه وليس الترصد !!!!!!

ساهر معك قلبا وقالبا

عندي قاعده حلووه

اذا الشارع ماتعرفه لاتسرع فيه

او منطقه اول مره تطبها خلك على 70 حتى لو العالم طايره

اما مكان تعرفه ماهو تسرع بس انت تعرف اماكنها

لان مستحيل الواحد يثبت رجله على 70 بعض الاحيان الواحد يسهى او تغفل رجله من نزله

وتوصل لل80

يا شباب ساهر مفروض يعني هو يبغى السلامه اقل شي يحطون لوحه عشان يهدون الناس طيب انا استغرب من واحد قال لو حطو لوحه كانه  على كذا وش الفايده الفايده اننا نهدي مانسرع ولو يحطون كل ٢ كيلو لوحه بيخاف الشعب غير ان فيه ساهر وهمي 

استغرب من اللي يقولون حطوا لوحات تحذير!!

لهالدرجة لازم يذكرونك بأهمية حياتك؟؟ اذا انت ماهتميت بحياتك تبي غيرك يهتم؟